Заман сулышы

Лениногорск шәһәре

18+
2024 - Гаилә елы
БЕЗГӘ ЯЗАЛАР

Таһир Шәмсуаров: Төн эчендә еллар алышынган

Таһир Шәмсуаровтан бәйрәм күчтәнәче


Беренче гыйнвар
Төн эчендә еллар алышынган,
Саубуллаша әнә искесе.
Теләмичә киткән иске елны
Әле байтак сагынып сөйлисе...

Кыш бабайдан алган күчтәнәчләр,
Чыршы төбендәге бүләкләр.
Күп кирәкми, бергә-бердәм булып
Имин яшәү иң зур теләкләр!

Могҗизаның җирдә барлыгына,
Тылсымнарга һаман ышанам.
Кар кызының сылулыгын күреп
Гүзәллеккә кабат таң калам!

Бусагадан шатлык килеп керсен,
Янәшәдән бәхет атласын.
Тәрәзәдән гөлләр елмайсыннар,
Кайгы-хәсрәт ишек какмасын!

Әнә шулай җанны иркәләсен
Яңа елда яңа таң ату.
Иң мөһиме менә һәр йөрәкне
Иркәләсен керсез ярату!

Өлкәннәргә урын түрдән булсын,
Йөзләрендә нурлар сүнмәсен.
Алтын-көмеш, дөнья малы түгел,
Бала тавышы өйне бизәсен!

Бу гомернең һәрбер мизгеленнән
Куанычлар бары табасы.
Ил түренә аяз күге белән
Рәхим итсен, әйдә, яңасы!..

Таһир Шәмсуаров

фото: https://pixabay.com/ru/

Следите за самым важным и интересным в Telegram-каналеТатмедиа

Безнең Лениногорск яңалыклары Телеграм-каналга кушылыгыз. 


Оставляйте реакции

2

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X