Татарстанда сантехниклар газ белән агуланганнар. Бер эшче һәлак булган

Питрәч районында коеда газ белән агуланып бер эшче һәлак булган, ике кеше хастаханәгә салынган. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Бүген көндез Гадәттән тыш хәлләр министрлыгына Званка авылында йорт янында ике сантехникның коега төшүе һәм аңнарын югалтулары турында хәбәр килде. Казан коткару отряды дежур сменасы урынга баргач коеда ике кешене тапкан, ә өстә тагын бер зыян күргән кеше булган», – дип сөйләделәр Гадәттән тыш хәлләр министрлыгында.

Фото: ГУ МЧС России по РТ

https://tatar-inform.tatar