Чәчне тәртиптә тотарга тырышабыз, әмма күп вакыт, киресенчә, зыян китерәбез.
Башны артык салкын яки кайнар су белән юарга ярамый. Суның температурасы 40-50 градус тирәсе булырга тиеш.
Белгечләр башны шампунь белән 2-3 тапкыр юарга киңәш итә. Беренче тапкырында чәчтәге пычрак, тузан, икенчесендә майлар юыла. Баш тиресен 3-5 минут массажларга кирәк.
Кондиционерны баш тиресенә түгел, чәч төбеннән 5-6 см аскарак төшеп сөртергә тырышыгыз.
Чәчкә еш тимәгез,югыйсә тиз майлана. Алай да аны ешрак тарау файдалы.
Температура 0 градустан түбән булганда, яланбаш йөрү зыянлы. Кышын май бизләре баш тиресен туңудан саклау өчен махсум матдә бүлеп чыгара. Башка кимичә йөргәндә, ул процесс бозыла. Чәч сынучанга әйләнә, коела башлый.
Чыганак: "Ирек Мәйданы" газеты
Фото:https://pixabay.com
Нет комментариев