Салат серләре

- Барлык ингредиентларны да бертөрле (шакмаклап, саламлап яки ярымбоҗралап) турарга кирәк. Болай салат матуррак һәм тәмлерәк килеп чыга. 

- Чи яшелчәләрне пластик яки пыяла кунада турагыз. Агач куна сок һәм исләрне сеңдерә. 

- Чи яшелчәләрне табынга утырыр алдыннан гына турагыз. Кояш нурлары тәэсирендә С витамины таркала башлый. 

- Салат ясаганда, җылы ингредиентларга салкынын кушарга ярамый. Барысы да тиешенчә суытылган булырга тиеш. Югыйсә салат тиз бозыла. 

- Салатка аз гына сарымсак тәме кертү өчен, ясап бетергәч, сарымсак ышкылган ипи кисәге тыгып торыгыз. 

- Салатны пыяла яки эмаль савытка салыгыз. Суыткычта 12 сәгатьтән артык сакларга ярамый. 

- Тозны табынга чыгарыр алдыннан сипсәгез, салат суланмас. 

- Салатны составындагы ризыклар белән генә бизиләр.

Фото: pixabay.com

 http://alabuganury.ru