11нче гимназия укучылары туган тел аша гореф-гадәтләрне, йолаларны өйрәнә (фотолар)

Бүген гимназиянең "Айсылу" театр түгәрәгенә йөрүче, "Энҗе бөртекләре" иҗат төркеменә йөрүче балалар "Әби-бабай өйрәткән, туган телне көйләткән" дигән матур кичә уздырдылар.

"Бәби ашы" йоласы күренешен тәкъдим иттеләр. Әлеге йолада халкыбызның иң матур җырлары яңгырый, иң җылы хисләре күрсәтелә.

Кичә моңлы җырлар белән үрелеп барды. Яшьтән үк халкыбызның гореф-гадәтләрен, мәдәниятен, әдәбиятын белеп үскән балаларга яхшылык, шәфкатьлелек сыйфатлары туплый.

Кичәне башлангыч сыйныф укучылары карады.

Гөлназ Хәйретдинова фотолары