Бу хәл Ижевск шәһәренең Октябрьнең 10 еллыгы урамындагы бер йортта була.
Беренчел версия буенча, Алексей* (исеме үзгәртелеп бирелә) исемле егет балалар мәйданчыгында йөргән таныш булмаган үсмер кызны үзе белән подъездга алып кергән (нинди сылтау белән – әлегә кадәр зур сорау), алар бергә 17 катның гомуми балконына менгәннәр. Аннан Алексей кызны этеп җибәргән, ә аннары үзе дә егылып төшкән.
Бер-бер артлы ике гәүдә җиргә егылып төшкәч, урамнан үтеп баручылар берни дә аңламыйча тораташ басып кала. Кемдер моны «курчак» дип уйлаган, ә кемдер кыз аңын югалткан дип фикерләгән. Ләкин төп сорау: мәйданчыкта йөргән баланы ят кешенең алып китүен беркем дә сизмәдеме, күрмәдеме? Кыз үзе үк ни өчен таныш булмаган ир белән китәргә ризалашкан?
Россия Федерациясе Җинаять кодексының 105 нче маддәсенең 2 нче өлеше (кечкенә яшьтәге баланы үтерү) буенча җинаять эше кузгатылган, дип хәбәр итә РФ Тикшерү комитетының Удмуртия Республикасы буенча Тикшерү идарәсе матбугат хезмәте.
Нет комментариев