Андрей Кондратьев туры эфирда татарстанлыларның сайлаулар турындагы сорауларына җавап бирәчәк
Трансляция 9 сентябрь көнне 12.00 сәгатьтә узачак.
Үзәк сайлау комиссиясе рәисе Андрей Кондратьев туры эфирда татарстанлыларның сайлаулар турындагы сорауларына җавап бирәчәк. Бу хакта «ВКонтакте»да Татарстан Республикасының рәсми берләшмәсендә хәбәр ителә.
Онлайн-очрашу 12.00 сәгатьтә башлана. Андрей Кондратьев республикада сайлауларның ничек узачагы, Covid-19ның сайлау процессына йогынтысы һәм яңалыклар турында сөйлиячәк. Трансляция сылтама буенча узачак.
Исегезгә төшерәбез, Татарстанда тавыш бирү 11-13 сентябрьдә узачак. Өч көн дә сайлау участоклары 8дән 20 сәгатькә кадәр эшләячәк. Республика Президентын һәм җирле үзидарә органнарына депутатлар, шулай ук РФ Дәүләт Думасы һәм ТР Дәүләт Советына өстәмә сайлаулар булачак.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев