Автобуслар һәм йөк машиналарын «акыллы» тормозлар белән җиһазландырачаклар
Россия автобусларын һәм йөк машиналарын «акыллы» тормозлар белән җиһазландырырга ниятлиләр. Алар ясалма интеллект ярдәмендә эшләячәк. Бу хакта «Известия» газетасы Таможня берлеге илләренең техник регламентына төзәтмәләргә (аларны РФ Сәнәгать һәм сәүдә министрлыгында әзерлиләр) сылтама белән хәбәр итә.
«Проектка үзгәрешләрне Евразия икътисади комиссиясенә быелның өченче кварталы ахырына кадәр җибәрү күздә тотыла», - диелә хәбәрдә. Шул ук вакытта, яңа системага күчүнең срогы билгеле түгел әле.
РФ Транспорт министрлыгында искәртүләренчә, киләчәктә барлык автомобильләргә дә шундый системалар урнаштыруны мәҗбүр итеп куярга мөмкиннәр.
Бу хакта тулырак: http://tat.tatar-inform.ru/news/2019/07/12/189690/
ФОТО: https://pixabay.com
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев