Балалар бакчалары россиялеләр эшләми торган атнада ябылмаячак
Эшләми торган атна мәктәпкәчә белем бирү оешмаларына кагылмый, шулай итеп, ата-аналар балаларын балалар бакчасына китерә алачак. Бу хакта «Коронавирус инфекциясенә каршы көрәш буенча республика оператив штабы эше турында»гы брифингта Татарстан Республикасы Премьер-министры урынбасары Ләйлә Фазлыева хәбәр итте.
«Мәктәпкәчә белем бирү учреждениеләре эше дәвам итәчәк, республиканың тормыш-көнкүрешен тәэмин итүче һәм үз эшләрен туктата алмый торган ата-аналар баланы мәктәпкәчә белем бирү учреждениесенә китерә ала», — дип сөйләде Фазлыева.
Брифингта шулай ук мәктәп укучылары һәм студентлар өчен каникуллар 12 апрельгә кадәр дәвам итәчәк, дип хәбәр иттеләр.
Чыганак: tatar-inform.tatar
http://saby-rt.ru
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев