Бер төндә 10 клиник үлем кичергән...

Русияле уннан артык клиник үлемне кичергән һәм болар барысы да бер төндә булган. Аларның иң озыны ярты сәгатькә якын сузылган.

Санкт-Петербургтан Антон Димовка тумыштан "генетик тромбофлебия" диагнозы куелган. Бу авыру нәтиҗәсендә тромблар барлыкка килү мөмкин. Чираттагы авыру өянәге 10 февральдә булган.

Табиблар Антонның гомере өчен төн буе көрәшкән. Алар белдерүенчә, аларның практикасында мондый вакыйга бер тапкыр да булмаган. Бу төнне ир 12 сәгать дәвамында реанимациядә булган, әмма табиблар ярдәме белән исән калган.

Ләкин егет белән бу хәл янә кабатланырга мөмкин. Шуңа күрә аңа атна саен диярлек табибларга күренеп торырга кирәк, дип яза Кызыл таң.

 http://baltaci.ru/