Боланнарда беренче тапкыр коронавирус тапканнар

Америкада боланнарда беренче тапкыр коронавирус очрагы ачыкланган. 

«Америка авыл хуҗалыгы министрлыгының ветеринария хезмәте идарәсе Огайо штатында кыргый боланнарда коронавирус табылуны раслады», — дип яза Америка авыл хуҗалыгы министрлыгына сылтама белән «Российская газета». 

Түрәләр әйтүенчә, әлегә кадәр коронавирус аз санлы хайваннарда гына ачыкланган. Алар арасында, гадәттә, авыру кешеләр белән тыгыз элемтәдә булган хайваннар очраган. Боланнар арасында бу беренче очрак. Аларның авыруны ничек йоктыруы билгесез. 

Вирусның хайваннардан кешеләргә күчү куркынычы әлегә түбән дип бәяләнә, диелә хәбәрдә.  

https://tatar-inform.tatar/news/world/28-08-2021/bolannarda-berenche-tapkyr-koronavirus-tapkannar-5835426

Фото: https://pixabay.com/ru