Бу балык цунами билгесе
Белгечләр аны каеш балык дип атый. Икенче төрле сельд- патша балыгы диләр. Чөнки аның башында арка канатларынннан ясалган таҗы бар.
Бу балык -Тын, Атлантик, Һинд океан кебек җылы суларда, бер чакрым тирәнлектә яши.
Русия сулыкларында ул моңарчы очрамаган. 2019 елда белгечләр Япониянең Тояма төбәгендә берничә сельд-патша балыгына очраган булганнар. Риваятьләр буенча, бу балык цунами һәм җир тетрәүләр якынлашуын белдерә.
РИА Новости хезмәткәрләренә бу балык турында сөйләгән Антонина Тунык, балыкка 5 август көнне Паллада бухтасында тап булуларын әйтә.
«Аның мыеклары куркыныч иде. Агулыдыр дип уйладык. Йөзгәндә бигрәк куркыныч. Күзләре усал ерткычныкы кебек, көзгедәй ялтырый”.
Ахырда алар балыкны суга җибәргәннәр.
РФАның Ерак Көнчыгыш бүлекчәсе биология фәннәре докторы Владимир Раков РИА Новостига бу балык белән Русиядә беренче тапкыр очрашуын белдерә.
Галим аны цунами билгесе итеп кабул итми. “Мондый бәйләнешне беркем дә теркәмәгән әле. Аның Япониядә җир тетрәү алдыннан табылуы да очраклы хәл генә”, ди галим.
Автор : Төхвәтуллина Алсу
Чыганак: РИА Новости.
Фото: Ачык чыганак.
https://omet-rb.rbsmi.ru/articles/ga-p-kh-ll-r/bu-balyk-tsunami-bilgese/
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев