Быел 77 яшьлек бабакай да БДИ тапшырган

Русиянең Фән һәм мәгариф өлкәсендә күзәтчелек буенча федераль хезмәте мәгълүматларына караганда, быелгы Бердәм дәүләт имтиханының иң өлкән катнашучысына 77 яшь.
Югары икътисад мәктәбенең Мәгарифнең сыйфатын мониторинглау үзәге фәнни җитәкчесе, Мәгариф һәм фән өлкәсендә күзәтчелек буенча федераль хезмәтнең элекке башлыгы Виктор Болотов сүзләренә караганда, сынау тоткан ир үзен тикшереп карарга теләгән.
Аның әйтүенчә, өлкән яшьтәге кешеләр имтиханнарны күбесенчә югары уку йортына керү өчен тапшыра. “Университетка өлкән яшьтәге кешеләрнең укырга керүенә бәйле мисаллар юк түгел. Русия вузларында 60 яшьлек студентларның белем алуын беләм”, - ди эксперт.

kiziltan.ru
Фото: ( Мәгариф министрлыгы сайтыннан)