Бәйрәм гражданлык һәм патриотизм, рухи камилләшү һәм чын кыйммәтләргә тугрылык идеалларын берләштерә

Сезне чын күңелдән Халыклар бердәмлеге көне белән котлыйм!
Бу  бөтенхалык тантанасының тирән, мәңгелек мәгънәсе аның исемендә үк ачыла. 1612 елда Мәскәүне  ызгышлардан азат итү өч йөз елдан артык традициягә ия һәм күпмилләтле халкыбызның бердәмлеге символы булып тора.

Бу бәйрәм гражданлык һәм патриотизм, рухи камилләшү һәм чын кыйммәтләргә тугрылык идеалларын берләштерә, безне үз илебез тарихына һәм мәдәниятенә, аның дини һәм иҗтимагый традицияләренә хөрмәткә өйрәтә. Халыклар бердәмлеге көнен бәйрәм итү Россиянең иң бөек рухи хәзинәләренең берсе – князь Дмитрий Пожарский Мәскәүгә кергән Казан Мәрьям Ана иконасы белән тыгыз бәйләнгән.

Татарстанлыларның бердәмлеге, аларның тыныч үсеш һәм иҗат принципларына тугрылыгы үрнәге булып борынгы Болгар һәм Зөя утрау – шәһәрчегенең уникаль һәйкәлләрен торгызу, Казан Изге Ана иконасы соборын торгызу һәм Болгар ислам академиясен төзү тора. Быел Бөек Ватан сугышында җиңүнең 75 еллыгын һәм Татарстан АССР төзелүнең 100 еллыгын бәйрәм итүгә багышланган күп санлы чаралар югары патриотик эчтәлек белән билгеләп үтелде. Без каһарманлыклар турында хәтеребезне хөрмәтлибез һәм татарстанлыларның үз Ватаныбызга хезмәт итәргә омтылуы белән горурланабыз.

Дәүләт һәм җәмгыятьнең уртак тырышлыгы белән туган республикабызның чәчәк атуы өчен иң кыю планнарны һәм проектларны тормышка ашыру көчебездән килер дип ышанам.
Барыгызга да оптимизм, нык сәламәтлек, бәхет һәм иминлек телим!

Бәйрәм белән, кадерле дуслар!

Рөстәм Миңнеханов, Татарстан Республикасы Президенты