Эчкән гаиләдә бала белән нәрсә булырга мөмкин...

20 июнь кичендә Уфаның Мушников урамындагы 27нче йорт тирәсендә 3 яшьлек бала югалган. Якыннары, шул тирәдә яшәүчеләр сабыйны эзли башлаган. Видеокамерадагы язмадан кызны таныш булмаган исерек ирнең җитәкләп китеп баруы күренә.

Чынлыкта исә 3 яшьлек баланы кибеттә үз әти-әнисе "онытып" калдырган. Бу көнне кызның әтисе туган көнен билгеләгән була. Азык-төлек кибетенә кергән кызмача яшь ата-ана кайсыдыр мәлдә баланы күз уңыннан югалта.  Исләренә төшеп кире килгәндә аңардан инде җилләр искән була.

Икенче бер исерек абзый исә баланы җитәкләп, аның ваемсыз әти-әнисен эзләп киткән була. Мәгълүм булуынча, ул сабыйны өенә алып кайтмаган. Эзли торгач, баланың яшәгән йортын да ачыкларга өлгерә.

Бәхеткә, барысы да яхшы тәмамлана. Шулай да яшь әти-әнигә карата административ протол төзелгән.

Фото: pixabay.com

https://kiziltan.rbsmi.ru