Гыйнвар ае карлы: шәһәрдән 40 мең кубометрдан артык кар чыгарылган

Гыйнвар ае дәвамында мэриянең массакүләм мәгълүмат чаралары белән эшләү бүлеге әлеге мәсьәлә буенча 100 дән артык шикаятьне теркәгән, халык контроленә 80гә якын хәбәр килгән. Шулай ук халыктан күп санлы шалтыратулар район башлыгы һәм шәһәр Башкарма комитетының кабул итү бүлмәләренә дә килгән.

Бүгенге көнгә кадәр шәһәрдә 40 мең кубометрдан  артык кар чыгарылган, кар чистарту эшенә 30 берәмлек махсус техника һәм 77  эшче җәлеп ителгән, 200 тонна ком-тоз катнашмасы кулланылган. 5 тоннадан артык ком тротуарларга, баскычлар һәм җәяүлеләр кичүенә сибелгән. Кар чистарту һәм чыгару эше дәвам итә.

https://leninogorsk.tatarstan.ru/