Казан федераль университетында студентларның стипендиясе артачак
Казан федераль университетының барлык студентларга стипендияләрне 5 процентка арттыру мөмкинлеге бар. Бу хакта туры эфирда КФУ ның белем бирү эшчәнлеге буенча проректоры Дмитрий Таюрский хәбәр итте.
"КФУда 1 сентябрьдән - студентларга, 1 октябрьдән аспирантларга стипендияне 5% ка арттыру мөмкинлеге булуы әйтелде. Стипендиаль тәэмин итү буенча безнең студентлар күп төрле категориягә кертелгән. Стипендиянең иң азы - 2 мең 100 сум, аннан - 3 мең 150 сум һәм алга таба инде арттырылган стипендияләр бара», — дип сөйләде югары уку йорты проректоры.
Таюрский сүзләренә караганда, Казан федераль университетында 30 мең студент белем ала, вузның Чаллыдагы филиалында — 12-13 мең, Алабугада — 7 меңгә якын. Бу саннарны исәпкә алсак, стипендияләрне 5% ка арттыру да миллион сумнар тәшкил итүе күренә. Шуңа мөмкинлектән чыгып хәл итәбез", - дип өстәде ул.
https://tatar-inform.tatar/news/science/20-08-2020/kazan-federal-universitetynda-studentlarny-stipendiyase-5-protsentka-artachak
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев