Кош итенә һәм йомыркага бәяләр артырга мөмкин

Бәя 10 процентка кадәр артырга мөмкин, дип яза «Известия» газетасы ваклап сату базарындагы чыганакка сылтама белән.

Басма әңгәмәдәше сүзләренчә, җитештерүче таләпләре нигезле булуы сәбәпле, сәүдә челтәрләре бәяләрне акрынлап арттырырга тырыша.

Ваклап сату компанияләре ассоциациясе (АКОРТ) президиумы рәисе Сергей Беляков басмага тиешле хәбәрнең Промышленность һәм сәүдә министрлыгына җибәрелүен раслады. Тәкъдимнең кыскаруын ул «сезонлы фактор һәм кош гриппының массакүләм таралуы» белән аңлатты.

Йомырка һәм кош ите җитештерүчеләр азык базасының бәясе артуга һәм баш саны сизелерлек кимүгә таяна. Болар барысы да эчке чыгымнарны арттыруга китерә. Беляков фикеренчә, «бәяләрне арттыру өчен икътисади нигезләү тулы җавап». Хәер, әлегә ритейлерлар, түләү сәләте кимүне исәпкә алып, күрсәтелгән товарларның бәясен 10 процентка арттыруны кабул итмәгән.

Россия Федерациясе Авыл хуҗалыгы министрлыгының матбугат хезмәтендә аңлатуларынча, ведомствода кошчылык продукциясе белән төп тәэмин итүчеләр ягыннан җибәрү бәяләрен арттыру турында мәгълүмат юк. Министрлыкта бәяләр сизелерлек арту өчен алшартлар юк, дип ышаналар, хәер, кыска сроклы перспективада бәяләре берникадәр арту мөмкин.

https://tatar-inform.tatar