Крыжовник кайнатмасын яратмыйсызмы?

Крыжовник кайнатмасын күпләр яратмый, тик аны кышкылыкка бик тәмле итеп тә хәзерләп була.

Моның өчен 1 килограмм крыжовникны блендер аша үткәргәндә ике әфлисун һәм бер лимон өстәп җибәрегез. Лимон белән әфлисунның кабыгын чистартмасаң, катнашманың тәме әчкелтем була. Катнашмага 1 килограмм чамасы шикәр комы да кушып, яхшылап бутагач, суыткычка алып куясы гына кала.

Аны туңдыргычта саклаган очракта, шикәр комының яртысы гына алына. Шулай эшләгәндә кышын чәй эчәргә бик тәмле дә, файдалы да була, дип яза Кызыл таң.

 http://baltaci.ru/news/ash-su-blmse/kryzhovnik-kaynatmasyn-yaratmyysyzmy

фото: https://pixabay.com/ru/