Лениногорск нефть музеен экскурсия маршрутына кертергә җыеналар
Шөгер авылындагы Лениногорск нефть музеен Татарстан халкы арасында популярлаштырырга һәм республиканың экскурсия маршрутларына кертергә кирәк. Бу хакта Татарстан Дәүләт Советы Рәисе Фәрит Мөхәммәтшин Лениногорск районы башлыгы Рәгать Хөсәеновка әйтте.
«Безгә бу музейда тагын да күбрәк экскурсияләр үткәрергә кирәк. Көньяк-көнчыгыш төбәкләрдән балаларны һәм өлкәннәрне алып килү генә җитми. Республиканың күпкырлы тормышы һәм тарихы белән танышу өчен монда Татарстан Туризм буенча комитет белән маршрут төзергә кирәк. Бу нефть чыгару чыганаклары, аның ярдәмендә Татарстан алдынгы төбәкләрнең берсенә әверелде», — диде Фәрит Мөхәммәтшин.
Сергей Трусов фотолары
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев