Лениногорскида район башкарма комитетына яңа җитәкче билгеләнде
Мэриянең утырышлар залында Лениногорск районы һәм шәһәр Советларының берләштерелгән сессиясе узды. Сессиядә Лениногорск районы Башкарма комитеты җитәкчесен билгеләделәр.
(Искә төшерик, әлеге вазифада Наил Залаков эшләде, хәзерге вакытта ул республика Авыл хуҗалыгы министрының беренче урынбасары булып эшли).
Әлеге вазифага конкурс комиссиясе ике кандидат тәкъдим итте: Лениногорск муниципаль районы Башкарма комитеты җитәкчесенең беренче урынбасары Зөлфия Михайлова һәм Лениногорск муниципаль районы Башкарма комитеты җитәкчесе урынбасары – Мәгариф идарәсе җитәкчесе Вагиз Санатуллин .
Район депутатларының бердәм карары белән Лениногорск районы башкарма комитеты җитәкчесе итеп Зөлфия Габдулхамәт кызы Михайлова сайланды.
Фото:http://leninogorsk.tatarstan.ru
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев