Лениногорскида яшәүче тыл хезмәтчәне Мәгъзүмә әбигә – 90 яшь

Юбиляр башта шәһәребезнең  СМУ-61 оешмасында төрле эшләр башкара. Аннан соң, лаеклы ялга чыкканчы, унсигез ел, “Кошчылык” фабрикасында хезмәт куя.
Мәгъзүмә әби тормыш иптәше Сәгыйть (мәрхүм)  белән ике кыз һәм бер малай  тәрбиялиләр. Бүген ул дүрт онык һәм бер оныкчыкка кадерле әби.  
-    90 яшемә кадәр җитәрмен, дип һич уйламаган идем. Без бит бер кисәк икмәккә дә тилмереп үскән буын,  Аллаһы Тәгалә гомернең озынын насыйп иткән күрәсең, - ди юбиляр.
Балачагы, яшьлеге авыр елларга туры килсә дә, күңел көрлеген югалтмаган ветеран Россия Президентының Котлау хатын  һәм Лениногорск муниципаль район башлыгы Рәгать Хөсәеновның  истәлекле бүләген шатланып кабул итте.
 

Текст һәм фото:Зилә Мөдәррисова