Лениногорскиның Үзәк китапханәсендә үткәннәрне сагынып, искә алганнар (фотолар)

Әле менә милли әдәбият бүлегендә “Үткәннәр сагындыра” исемле фольклор кичә үткәрдек. Киләсе 2020 елда 65 яшьлек юбилеен билгеләп узачак гүзәл шәһәребезне төзегән, аякка бастырган мөхтәрәм затлар инде бүген үзләре дә ил агалары, ак яулыклы, пакъ күңелле апа - әбиләр. Һәм аларның күпчелегенең тамырлары авыл белән бәйле. Менә шуңа күрәдер инде алар безнең кичәгә бик теләп килделәр. Әлбәттә, әлеге чарага халык үз иткән, үзебезнең җирлектәге сәнгатькәрләребез катнашуы – көтеп алынган шатлыклы вакыйга.

Кичәдә кемнәр катнашкан, нинди истәлекләр белән уртаклашканнар, болар хакында тулырак "Заман сулышы"нда җомга санында укый аласыз.

Фотолар: китапханәдән.