“Минем чыршым” конкурсында җиңү яулаучы – Ильвина һәм Ясминә

Алар – апалы-сеңелле – Ильвина һәм Ясминә Камалтдиновалар. Әниләре Алия белән бергә Мөэмин-Каратайдан редакциягә конкурста икенче урын алулары өчен бүләк алырга килделәр.

Ильвинага – 6 яшь, Ясминәгә – 4 яшь. Әлегә Иске Иштирәк балалар бакчасына йөриләр. Ильвина киләсе елга мәктәпкә барырга әзерләнә. Кызлар бик наяннар, шат күңеллеләр. Безгә бик ошадылар. 
Әниләре Алия әйтүенчә, конкурста тавыш биргәндә барлык танышларыннан тавыш бирүдә катнашуны сораганнар, “Ватсаптагы барлык төркемнәребезгә ссылкаларны җибәрдек”, - ди Алия.

Конкурста катнашуыгызга рәхмәт. Алдагы бәйгеләрдә дә катнашырсыз дип ышанабыз.