Мәскәү үзәгендәге фатирда Маугли-кызга тап булганнар

Чыганак мәгълүматлары буенча, кыз бала Ленинград шоссесында урнашкан бер йортта яшәгән. Күршеләре бала елавын ишетеп, ишеккә берничә мәртәбә шалтыраталар, әмма ачучы булмый. Участковый да килә, ул да фатирга керә алмый.  Бала елавы көчәйгәч, күршеләре Гадәттән тыш хәлләр министрлыгы идарәсенә шалтыраталар.

Коткаручылар ишекне җимереп керә һәм гадәти фатир урынына чүплеккә тап булалар. Фатирда су да, бер төрле ризык та булмый. Утка  түләмәгән өчен өзеп киткәннәр. Чүп арасында 5 яшьлек кыз баланы күреп калалар. Ул бер сүз дә сөйләшми. Табиблар аңарда эренле отит авыруын ачыклый.

Маугли-кызның муенындагы тәресенә хәтта ит үргән, баланы ул тәредән хирургик юл белән арындырырга туры килә.  
Күршеләре сөйләвенчә, кыз баланың әнисе, сөяркәсен Украинага депортацияләгәч, акрынлап акылыннан яза.

Әле кыз бала дәваханәдә. Әнисен исә полиция кулга алган.

Әлфия Шакирҗанова.

Фото: "Московский комсомолец"

omet-rb.ru/rusiya/2001-m-sk-z-gend-ge-fatirda-maugli-kyzga-tap-bulgannar