Өлкән яшьтәгеләргә соцпакет сайларга кирәк

 «Татар-информ» мәгълүмат агентлыгында узган матбугат конференциясендә катнашучылар яшь татарстанлыларны федераль ташламалардан файдаланучы өлкән яшьтәге туганнарына соцпакет сайлап алу юнәлешендә ярдәм итәргә чакырдылар.

«Бу хакта без инде 15 ел сөйләшәбез. Ул 2004 елда кабул ителгән ташламаларны монетизацияләү турындагы закон һәм дару чаралары белән тәэмин итү программасы эшләнүгә бәйле рәвештә барлыкка килде. Бүген без дөрес сайлау кирәклеге турында тагын бер кат исегезгә төшерәбез. Без, медицина хезмәткәрләре, пациентларның үзләренә генә түгел, аларның якыннарына да мөрәҗәгать итеп, дөрес сайлау кирәклеге турында исегезгә төшерәбез. Без әти-әниләребезне, әби-бабайларыбызның гамәлләренә йогынты ясый ала торган яшьләр аудиториясенә мөрәҗәгать итәбез. Кеше авырый башлагач, аңа кыйммәтле препаратлар кирәк", - диде ТР сәламәтлек саклау министры урынбасары Фәридә Яркаева.

ТР буенча РПФның социаль түләүләр бүлеге башлыгы Гөлсинә Сабирова искәртеп узганча, ташламалардан баш тартырга һәм ПФРга социаль хезмәтләр җыелмасын бирү турында гаризаны 1 октябрьгә кадәр тапшырырга кирәк. Соцпакет рецептлар буенча дару препаратларыннан, шифаханә-курорт дәвалавына юлламалардан, шәһәр яны тимер юл транспортында бушлай йөрүдән, шулай ук дәвалану урынына һәм кире шәһәрара транспортта яшәү урынына кайту бәясеннән тора.