Заман сулышы

Лениногорск шәһәре

18+
2024 - Гаилә елы
ҖӘМГЫЯТЬ

Парацетамол яшь кызның гомерен өзгән

Бурятиядә парацетамолны чамасыннан артык кулланган яшь кызның гомере өзелгән.

28 декабрь көнне 24 яшьлек кызны, хәле начарлану сәбәпле, санавиация белән Улан-Удэдагы клиник дәваханәгә алып киләләр.

- Пациенткабызның хәле начарлануы берничә факторның тәңгәл килүе белән бәйле. Беренчедән, ул ябыгыр өчен диета тоткан, диета исә бавырның фермент системасы эшчәнлеген бозган, элегрәк ул В гепатиты вирусын да кичергән. Һәм шушыларга өстәп ул Парацетамол эчкән, - дип сөйлиләр дәваханәдә.

Дәваханәгә эләккәч, кызга антидот терапия комплексы үткәрәләр, ягъни агулы матдәләрне зарарсызландыручы препаратлар биргәннәр. - Әмма шундый интенсив терапия дә пациентның хәлен яхшыртмый. Бу вакыйгага карата дәваханәдә үз-үзеңне дәвалау белән шөгыльләнү хәвефле булуын искәртәләр.

- Күпләр салкын тиюне табибка мөрәҗәгать итмичә үзаллы дәвалый, шул рәвешле салкын тиюгә каршы һәм температураны төшерүче даруларның үзара туры килү-килмәвен үтәмиләр. Тагы шул да мөһим: кешеләр даруларның билгеләнешен начар аңлый, еш кына тән температурасын төшерүче дарулар белән беррәттән комплекслы препаратлар да кабул итәләр. Шул ук вакытта парацетамолның хәвефсезлек планкасы бик түбән икәнен белмиләр, - ди дәваханә табибы.

Тулырак: https://matbugat.ru/news/?id=27815

Фото: pixabay.com

Следите за самым важным и интересным в Telegram-каналеТатмедиа

Безнең Лениногорск яңалыклары Телеграм-каналга кушылыгыз. 


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X