Заман сулышы

Район укытучылары өчен һөнәри осталыкны үстерү үзәкләре ачылачак

Быел Казанда ике яңа белем бирү үзәге (укытучыларның һөнәри осталыгын өзлексез арттыру, шулай ук педагогларның һөнәри осталыгын һәм квалификациясен бәяләү) ачылачак. Бу хакта ТР Мәгариф һәм фән министрлыгының матбугат хезмәте хәбәр итә.

 

Әлеге үзәкләр «Мәгариф» илкүләм проектының «Киләчәк укытучысы» төбәк проекты кысаларында оештырылачак.

Үзәкләрнең берсендә укытучылар, шул исәптән онлайн-белем бирү ярдәмендә, үзләренең һөнәри дәрәҗәсен күтәрә алачак.

Реклама

Яңа үзәкләр ачу ярдәмендә алты елдан соң Татарстан Республикасындагы мөгаллимнәрнең һәр икенчесе мәгариф хезмәткәрләренең һөнәри үсеше буенча илкүләм системага җәлеп ителәчәк.

«Чараны гамәлгә ашыруга 86,4 миллион сум акча каралган», - диелә матбугат хезмәте хәбәрендә. Аның 70 миллионы – РФ казнасыннан, 16,4 миллионы ТР бюджетыннан бүленәчәк.

 

 https://tatar-inform.tatar/news/science/30-07-2020/kazanda-ukytuchylar-chen-n-ri-ostalykny-arttyru-z-kl-re-achylachak-5760201

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: