Республикада 1685 хөкем ителгән кеше иреккә чыгарга мөмкин

Россия Җинаять кодексының декриминализациясе хөкем ителгән 1685 кешегә карата булган карарларны яңадан карарга мөмкинлек бирәчәк.

Шунысын да әйтергә кирәк: хөкем ителгән 44 кеше инде иреккә чыгарылган, ә 185енә җәзаны җиңеләйткәннәр. Тагын 742 эш хәзерге вакытта судта карала. Рәсми мәгълүматлар буенча, 1685 кешенең хөкем карарлары яңадан каралырга мөмкин. Әйтергә кирәк, аларның 82 проценты урлау өчен ирегеннән мәхрүм ителгән.

Хәзерге вакытта Татарстанның төзәтү учреждениеләрендә 9868 кеше бар, тикшерү изоляторларында - 2236.

Чыганак: http://intertat.ru