РФ Үзәк сайлау комиссиясе башлыгы Элла Памфилова Татарстанның сайлауларга әзерлеген уңай бәяләде

Татарстан сайлауларга җитди әзерләнде. РФ Үзәк сайлау комиссиясе башлыгы Элла Памфилова Роспотребнадзор җитәкчесе Анна Попова һәм ТР Үзәк сайлау комиссиясе рәисе Андрей Кондратьев катнашында РФ Үзәк сайлау комиссиясенең Мәгълүмат үзәге эфирында чыгыш ясады.

"Сезнең эшегез өчен рәхмәт әйтәбез. Зур эш башкарылган. Процесс вакытында бәлки кертүләр дә булыр. Карарбыз, сайлаулар ничек узар", - диде ул.

“Комиссиянең барлык әгъзалары  иминләштерелгән”, – дип билгеләп үтте Кондратьев.

Бүген Татарстанда ТР Президенты һәм муниципаль депутатлар, шулай ук РФ Дәүләт Думасына һәм ТР Дәүләт Советына сайлаулар башланды.

Барлык сайлау участокларында килгән кешеләргә битлекләр һәм перчаткалар тараталар, шулай ук температураны үлчиләр. Моннан тыш, Татарстанда сайлау комиссияләренең барлык әгъзаларын да барлык авырулардан 500 мең сумга иминиятләштергәннәр, шул исәптән Covid-19 коронавирусыннан да.