Заман сулышы

Рәгать Хөсәенов 8 март бәйрәме белән котлый

Хөрмәтле ханымнар һәм туташлар – районыбызның уңган, тырыш, акыллы, ягымлы хатын-кызлары! Һәммәгезне язгы бәйрәм – 8 Март белән чын күңелдән кайнар котлыйм!

 

Хатын-кыз кешелек дөньясының бер өлеше генә түгел, ул тормыш бүләк итүче илаһи зат та, баласы өчен утка-суга керергә, теләсә нинди авырлыкны җиңәргә сәләтле батыр ана да, тормышта теләсә кайчан ярдәмгә килергә, сүзе я гамәле белән терәк булырга әзер ышанычлы юлдаш та, мәхәббәте белән күкләргә ашыручы, яшәү мәгънәсе бирүче тылсым иясе дә. Күпбалалы әниләргә рәхмәт сүзләре җиткерәм.

Реклама

Шуның өстенә хатын-кызларыбыз төрле өлкәләрдә хезмәт куеп ил-көнне ышанычлы нигезле, бай һәм көчле итүгә дә үз өлешләрен кертәләр. Бу урында  минем районның төрле тармакларында эшләүче ханым һәм туташларыбызга рәхмәт әйтәсем килә. Сез түземле һәм тырыш, үз эшегезне олы җаваплылык белән, җиренә җиткереп башкарасыз. Уңышларыбызның зур өлеше – сезнең казанышларыгыз!
Исәнлек телим сезгә. Яз бәйрәме күңелләрегездә якты кояш булып кабынсын һәм күңел күтәренкелеге бүләк итсен. Якыннарыгыздан бары хөрмәт һәм ярату тоеп, бәхетле озын гомер кичерегез.

Рәгать Хөсәенов, район башлыгы, шәһәр мэры

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: