Россия Бөекбритания белән авиаэлемтә чикләүләрен озайтты

Россия Бөекбританиягә очышларга чикләүне кабат озайтты. Covid-19 инфекциясен кертү һәм таратуга юл куймау буенча оператив штаб карары нигезендә чара 17 апрельгә кадәр гамәлдә булачак.

«Халыкның сәламәтлеген саклауны тәэмин итү өчен чикләүләр 2021 елның 16 апрелендә 23 сәгать 59 минутка кадәр озайтылды», - диелә Министрлар Кабинеты сайтында бастырылган хәбәрдә.

Ил белән авиаэлемтәләр беренче тапкыр 2020 елның декабрь ахырында туктатыла, ул чакта Британиядә коронавирусның яңа штаммы барлыкка килү турында мәгълүм була. Россиядә яңа мутация белән зарарланган беренче кеше 2021 елның гыйнварында ачыкланган. Хәзер, Роспотребнадзор мәгълүматлары буенча, шундый 28 пациент билгеле.

https://tatar-inform.tatar

https://pixabay.com/ru/