Россиядә ихтыяҗ зур булган белгечлекләр аталды

Медиклар, педагоглар һәм IT-белгечләр — Россиядә ихтыяҗ зур булган һөнәрләр рәтендә. Бу хакта РФ Мәгариф һәм югары белем министрлыгы җитәкчесе Валерий Фальковка сылтама белән «Известия» хәбәр итә.

Мәгариф һәм югары белем министры мәгълүматларына караганда, IT-өлкәдә мәгълүмат аналитикларына ихтыяҗ аеруча зур. Өстәвенә, бу белгечлек эш бирүчеләрдә Россиядә генә түгел, бөтен дөньяда популяр.

Шулай ук инженер белгечлекләрен тәмамлаучылар да тиз арада эш таба ала. «Белгәнебезчә, өченче-дүртенче курстан башлап эш бирүчеләр белән тыгыз элемтәдә торып, студентлар бик актив эшкә урнаша», — диде Валерий Фальков.

https://tatar-inform.tatar/news/society/30-06-2020/rossiyad-ihtyya-zur-bulgan-belgechlekl-r-ataldy

http://bavly-tat.ru

Фото: pixabay.com