Социаль челтәрләрдә Лениногорск районында ир-атның бик зур үрмәкүч тотуы турында хәбәр таралды

Лениногорск пабликларының берсендә районыбызның Юлтимер авылында ир-атның үз йортында бик зур үрмәкүч тотуы турында хәбәр чыкты.

Үрмәкүч йортта тротуардагы плитәләр арасында "яшәгән".  Ир-ат аны башта банкага салган, аннары чыгарып җибәргән.

Социаль челтәрләрдә үрмәкүчнең көньяк Россия тарантуласына ошаганын язалар. Аның агуы вак хайваннар өчен нык зыянлы, хәтта үлемгә дә китерә икән. Ә кешегә аның агуы эләксә, шул урында кычыту һәм шеш барлыкка килә.

фотолар: https://web.telegram.org/a/#-1630158966