Заман сулышы

Сомнологлар йоклар алдыннан нәрсә эшләргә ярамаганын аңлатты

Бүлмәдә янып торган ут баш миендә мелатонин барлыкка китерү процессын тоткарлый, бу исә йоклап китәргә комачаулый.

 

Сомнологлар йоклар алдыннан эшләргә ярамаган әйберләрне санап чыкты. Бу хакта Huffington Post-ка сылтама белән РИА Новости агентлыгы хәбәр итә.

Белгечләр йоклар алдыннан яңалыклар карамаска киңәш итә, чөнки алар кешедә борчу тудырырга мөмкин һәм йокыга салмак кына күчәргә ирек бирмәячәк. Алар шулай ук киеренке сөйләшүләрдән качарга киңәш иттеләр. Галимнәрнең тикшеренүләре мондый әңгәмәләрдән тискәре хисләрне төнлә җиңеп чыгуы кыен булуын күрсәтте.

Табиблар урын өстендә ятып эшләргә киңәш итми, чөнки «карават баш миендә йокы һәм секс белән генә ассоциацияләнергә тиеш». Сомнологлар шулай ук физик күнегүләр ясамаска киңәш итте. Күпләр шул рәвешле тизрәк йоклап китәр өчен үзләрен талдыра, әмма мондый төнге зарядканың нәтиҗәсе киресен бирә, дип саный белгечләр.

Реклама

Шулай ук кофеинлы стимуллаштыручы эчемлекләр һәм алкоголь дә кулланырга киңәш ителми, алар йокы архитектурасы бозуга китерә.

Экспертлар телефоннарны төнлә кулланырга киңәш итми һәм утны кабызып калдырмаска куша, чөнки ут баш миенә хәзер торырга вакыт җитте дигән сигнал бирә. Янып торган ут баш миендә мелатонин барлыкка китерү процессын да тоткарлый. Әлеге гормон йоклап китәргә булыша да инде.

 «Татар-информ»

Фото: pixabay.com/ru

 http://baltaci.ru/news/s%D3%99lam%D3%99tlek/somnologlar-yoklar-aldynnan-nrs-eshlrg-yaramaganyn-alatty

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: