Табиб D витаминының зыяны турында кисәтә
D витамины бөерләр өчен зыянлы булырга мөмкин. Бу хакта Мәскәүнең 2нче клиник хастаханәсенең нефрология буенча баш табибы урынбасары Надия Фролова «Говорит Москва» радиостанциясе эфирында искә төшерде.
Кальций кебек үк D витамины да бөерләргә авыр йогынты ясавы ихтимал. Ике матдә дә гиперкальцемиягә, ягъни кальций күләме нормадан артуга китерергә мөмкин, диде белгеч.
Шуңа күрә, Россиядә яшәүчеләр «кояш бик аз булган климат»та яшәсәләр дә, аларга вазгыятьне медикамент юл белән төзәтергә омтылуда сак булырга кирәк.
«Әгәр сез D витамины эчәсез икән, кальций дәрәҗәсен күзәтергә кирәк», — диде табиб-нефролог.
https://tatar-inform.tatar/news/health/30-12-2019/tabib-d-vitaminyny-zyyany-turynda-kis-t-5714023
Фото: pixabay.com
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев