Таһир Шәмсуаров: Бикләнеп яшәмик, күршеләр

Капканы, ишекне ачмыйбыз,
Бикләнеп яшиләр күршеләр.
Көн матур, кояшлы яз башы
Даруга ябышты кешеләр!

Кул биреп күрешмә, битлек ки,
Уңда да, сулда да чирлеләр.
Өстәлдә, һәр җирдә дарулар
Сырхаулар терелергә телиләр!

Кайгылы хәбәрләр кермәсен,
Сау булсын якыннар, балалар.
Һәр көнне диярлек бик күпләр
Шәһәргә табибка баралар...

Елмаю бизәсен йөзләрне,
Күңелдә сәламәт иртә бит.
Йокыдан куаныч уятсын,
Әниләр бәйрәме җитә бит!

Капкалар, ишекләр ачылсын,
Бикләнеп яшәмик күршеләр.
Көн матур, ә җирдә яз башы
Саулыкка тиенсен кешеләр!..

ТАҺИР ШӘМСУАРОВ