Заман сулышы

Таһир Шәмсуаров: Шомырт исеннән баш әйләнә

"Баш әйләнә шомырт исеннән"


Ислемайга исләр китми бүген,
Баш әйләнә чәчәк исеннән.
Ак күбектәй аклык күренүгә
Сөю килә язлар иленнән!

Күрегез дип шомырт чәчәкләре
Койма аша әнә үрелә.
Тансык бер гүзәллек ияләшә
Авыл дигән илем түренә!

Могҗизадыр, хәтта яфраклар да
Әверелгән таңда чәчәккә.
Матурлыкның таҗын кигән шомырт
Сокландырмый диеп кем әйтә?!

Капка төпләрендә утырышыйк,
Кабатланмас майның кичендә.
Шомырт чәчәкләре сузган мизгел
Ул синең дә беләм, исеңдә...

Үзәкләргә төшеп сандугачлар
Кичке уеннарга чакырыр.
Зөһрә кыз да пар чиләген куеп
Безнең янга төшеп утырыр!

Реклама

Йөзеңдәге бәхет нурын күреп,
Назлы җилләр ничек исмәсен.
Сөю барлыгына ышанмаган
Шомырт чәчәкләрен иснәсен!

Керсез хистә аклык төсе бүген,
Сөю килә язлар иленнән.
Сулыш алсаң баш әйләнеп китә
Шомырт чәчәкләре исеннән...

 

Таһир Шәмсуаров

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: