Татарстан халкын Covid-19дан куркып ашыгыч медицина ярдәменнән баш тартмаска чакырдылар
Республиканың медицина учреждениеләрендә буфер зоналары булдырылды, анда барлык пациентлар кабул ителә һәм коронавирус белән инфекцияләнгәнме яки юкмы, ачыклана.
Татарстанлыларга Covid-19 йоктырудан куркып, планлы һәм ашыгыч медицина ярдәменнән баш тартмаска киңәш иттеләр. Мондый киңәшне РКБ баш табибының беренче урынбасары Марсель Миңнуллин Андрей Кузьминга интервьюсында әйтте.
"Республика халкын ышандырасым килә, чиста стационарларга, ашыгыч һәм планлы медицина ярдәме күрсәткән урыннарда мөрәҗәгать итүдән куркырга кирәкми. Ай ярымнан соң ковиң бетәчәк дигән уйлар белән утырып тору дөрес түгел. Әгәр ниндидер проблемалар бар икән, килергә, мөрәҗәгать итәргә кирәк ", - диде табиб.
Татарстанның медицина учреждениеләрендә буфер зоналары булдырылды. Бу пациентлар үз статусын аныклаганчыга кадәр булган изоляция бүлекләре, аның Covid-19 бармы яки юкмы, икәнлеге ачыклана.
"Статусны төгәлләштерүгә кадәр бер генә пациент та, "чиста" зоналарга үтмәячәк", - дип ышандырды Миңнуллин.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев