Татарстан Президенты Россия эшмәкәрләре көнендә республиканың бизнес-берләшмәсе белән очрашачак
ТР Икътисад министрлыгы, Россия эшмәкәрләре көнендә, 26 майда, Татарстан Республикасы Президенты Рөстәм Миңнеханов һәм икътисад министры Мидхәт Шаһиәхмәтов катнашында республика бизнес-берләшмәсе белән очрашу уздырачак.
Эшлекле вакыйга программасы Татарстан Республикасында эшкуарлыкны үстерүнең уңай шартларын формалаштыруга, бизнесны алып баруга заманча якын килүне пропагандалауга, эшкуарлык эшчәнлегенең абруен күтәрүгә юнәлдерелгән.
Чара спикерлары сыйфатында эшчәнлекнең төрле өлкәләрендәге яшь эшмәкәрләр һәм тәҗрибәле идарәчеләр чыгыш ясаячак, алар нәтиҗәле бизнесны үстерү өчен тәҗрибә һәм белемнәр белән уртаклашачак һәм ТР Икътисад министрлыгының белем бирү программалары барышында алынган кейслар тәкъдим итәчәк.
Чара барышында шулай ук бушлай «Тиз старт» бизнес-марафоны да эшләтеп җибәреләчәк. Марафонда катнашучылар 7 көн эчендә минималь инвестицияләр белән бизнесны ничек оештырырга һәм үз эшләрен үстерүгә 100 000 сумга кадәр грант өчен көрәшә алачаклар.
Моннан тыш, мәктәпкә әзерлек өчен өлкән яшьтәге кешеләр һәм аз тәэмин ителгән гаиләләрдә тәрбияләнүче балалар өчен акча җыю оештырылачак.
Чара 26 майда Түбән Камада узачак һәм 10 сәгать 40 минутта башланачак.
Бизнес белән кызыксынучылар YouTube онлайн-трансляция карый алачак, сылтама: https://www.youtube.com/watch?v=11Fzet9r-Rw&feature=youtu.be
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев