Заман сулышы

Татарстанда 11 айда 50 җинаять кылынган

Агымдагы елның 11 аенда Татарстанда экстремистик характерда 50 җинаять кылынган. Бу саннарны Милләтара һәм конфессияара мөнәсәбәтләр советы белән Хокук тәртибен тәэмин итү буенча Координацион киңәшмәнең уртак утырышында ТР буенча эчке эшләр министры Артем Хохорин белдерде. Чара Казан Кремленең Вәкиллекле корпусындагы утырышлар залында Татарстан Республикасы Президенты Рөстәм Миңнеханов рәислегендә уздырылды. 2014...

Агымдагы елның 11 аенда Татарстанда экстремистик характерда 50 җинаять кылынган. Бу саннарны Милләтара һәм конфессияара мөнәсәбәтләр советы белән Хокук тәртибен тәэмин итү буенча Координацион киңәшмәнең уртак утырышында ТР буенча эчке эшләр министры Артем Хохорин белдерде. Чара Казан Кремленең Вәкиллекле корпусындагы утырышлар залында Татарстан Республикасы Президенты Рөстәм Миңнеханов рәислегендә уздырылды.
2014 елда Россиядә экстремистик характерда барлыгы 938 җинаять теркәлгән, Идел буе федераль округында - 186, Татарстанда - 50, Киров өлкәсендә - 26, Башкортстан Республикасында -19.
2014 елда Татарстанда стремистик характерда 50 җинаятьнең теркәлгән, 40 административ хокук бозу очрагы ачыкланган, 132 прокурор кисәтүе теркәлгән һәм 2 кисәтү ясалган", - дип белдерде А.Хохорин.
Былтыр Татарстанда ачыктан-ачыкэкстремистик җинаятьләргә юл куелмаган. "Вәзгыять тыныч булуга карамастан, иркенәергә ярамый", - дип белдерде ул.
Узган елларда радикаль агымнарның чит ил вәкилләре республикадан чыгарылганчы, татарстанлылар арасында үз тарафдарларын булдырган. Шулай итеп, традицион булмаган ислам вәкилләре Казан, Әлмәт һәм Әгерҗе районнары мәчетләренә йөрүләрен дәвам итә.
Ел нәтиҗәләре буенча, "Хизб ут-Таһрир" халыкара террорчылык оешмасының 12 әгъзасы, шулай ук "Әт тәкъфир вәл һиҗра" һәм "Нурҗулар" тыелган дини оешмаларның 10 вәкиле җинаять җаваплылыгына җәлеп ителгән. Министр сүзләренә караганда, тагын бер проблема зур актуальлеккә ия - ул чит ил гражданнары кылган җинаятьләр саны арту. 2013 елда андый 334 җинаять булса, төгәлләнмәгән 2014 елда - 391.
А.Хохорин утырышта "Экстремизм, дини һәм милли низаглар" категориясе буенча "Халык контроле" системасында махсус эш схемасын тәкъдим итте. "Бу гражданнарга экстремистик юнәлешләр турында мәгълүмат бирү мөмкинлеге бирәчәк, ә операторлар аны тиешле дәүләт органнарына юнәлдерәчәк", - дип ассызыклады Татарстан буенча эчке эшләр министры.
Татарстан Президенты Рөстәм Миңнеханов, "Халык контроле" - зур күләмдә мәгълүмат алу мөмкинлеге бирүче яхшы инструмент, дип билгеләп үтте һәм якын арада "Экстремизм, дини һәм милли низаглар" категориясен эшләтеп җибәрүне йөкләде.
Р.Миңнеханов шулай ук мигрантлар белән системалы эш алып бару ихтыяҗын ассызыклады. "Мигрант республикада үзен уңайлы тоярга тиеш, әмма ул ят та булырга тиеш түгел, ә бергәлеккә яраклашырга тиеш. Аларга үз законнары белән яшәргә юл куярга ярамый. Без ачык ил һәм республика, әмма барысы да тиешле норма кысаларында булу зарур", - дип ассызыклады ТР Президенты.
http://tat.tatar-inform.ru/сайтыннан алынды

Нравится
Поделиться:
Реклама
Комментарии (0)
Осталось символов: