Татарстанда ана сабыен тиреслеккә күмгән
Тәтеш районының Кече Шәмәк авылында яңа туган сабый мәетенә тап булганнар.
Бер ай узганнан соң бала мәетен сукбай этләр авыл буйлап күтәреп йөргән. Хәзер «яңа туган сабыйны анасы үтерү» маддәсе буенча җинаять эше ачылган. Бу хакта Россия Тикшерү комитетының Татарстан буенча Тикшерү идарәсе матбугат хезмәте хәбәр итте.
Баланың мәетен полиция хезмәткәре тапкан. Тикшерүчеләр баланың әнисе әлеге авылда яшәүче 25 яшьлек хатын-кыз булуын ачыклаганнар. Хатын 2019 елның декабрендә 7 айлык баланы үле килеш табуын әйткән.
Йөкле вакытта табибка хисапка басмаган ана, үле баланы күмүне үзенчә генә хәл итеп куйган. Баланың хәзер ни рәвешле үлгәнен тикшерәләр. Әгәр аның үлемендә әнисе гаепле булса, аңа 5 елга кадәр ирегеннән мәхрүм итү яный.
Фото: пиксабай
Тулырак: https://matbugat.ru/news/?id=28305
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев