Татарстанда балаларын ялгыз үстерүче әти кеше батып үлгән

Җомга көнне, 12 августта, 112 нче ашыгыч чакыру номерына Арча районының Субаш-Аты авылыннан ерак түгел Иске-Юрт елгасы буасында бер ир-ат батуы турында хәбәр килә.

Икенче көннең икенче яртысында 4 нче номерлы ЗПСО водолазы ярдан егерме метр ераклыкта 39 яшьлек ир-атның гәүдәсен тапкан, шуннан соң аны полициягә тапшырганнар. Инцидентның сәбәбе билгеләнә. Россия Гадәттән тыш хәлләр министрлыгының Татарстан Республикасы буенча Баш идарәсе матбугат хезмәтендә аныклаганча, бу урын коену өчен җиһазланмаган.

Билгеле булганча, ир-ат ялгызы өч бала тәрбияләгән.

https://vatantat.ru/2022/08/89432/

Рамия Гарифуллина фотосы