Татарстанда Covid-19 авыруыннан сигезенче пациент вафат булды
Татарстанда Covid-19 авыруыннан үлүнең сигезенче очрагы расланган. Бу хакта «Татар-информ»га Татарстан Президенты матбугат хезмәте җитәкчесе Лилия Галимова хәбәр итте.
«Түбән Кама районында яшәүче 1941 елда туган кеше вафат булды», - диде ул.
Ир-ат 1 майдан башлап Түбән Кама районы хастаханәсенең йогышлы авырулар бүлегендә коронавирус инфекциясенең авыр формасыннан дәвалана. Аңарда ике яклы полисегментар пневмония була. 6 майдан ир-атны үпкәләрне ясалма җилләтү аппаратына тоташтыралар. Ир-ат хроник йөрәк-кан тамырлары авыруы һәм бронхиаль астма белән чирләгән.
Бүген Татарстанда Covid-19 коронавирусының 80 яңа очрагы расланган. Алар барысы да элемтә юлы белән инфекция алган очраклар.
Иң күп зарарлану очраклары Казанда — 61 кеше. Чаллыда - дүрт очрак, Чүпрәле районында — бер зарарлану очрагы, Алабуга районында — бер, Яшел Үзәндә дүрт очрак теркәлгән. Шулай ук Лаешта — бер, Мамадыш районында — ике, Түбән Камада — дүрт, Саба районында — бер, Тукай районында бер авыру очрагы ачыкланган.
https://tatar-inform.tatar/news/health/18-05-2020/tatarstanda-koronavirusny-80-ya-a-ochragy-raslandy-5743394
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев