Татарстанда «ТАТАРСТАР» халык онлайн тамашасының яңа сезоны башлана

Чарада Россиядә яшәүче төрле яшьтәге кешеләр катнаша ала. Тамашада катнашучыларга татар телендә җырларга, биергә яки шигырьләр укырга туры киләчәк. 
Иң күп тавыш җыйган катнашучыга  iPhone 12 Pro Мах тапшырылачак.

«ТАТАРСТАР. Мирас» ның яңа сезоны 2 этапта уза. Сайлап алу туры 7 июльдән 11 августка кадәр билгеләнгән. Ярымфинал һәм финал өлешләре август-сентябрь айларында уздырылачак. 

Сайлап алу этабының 1нче чыгарылышы туры эфирда 7 июльдә 19:00 сәгатьтә  "ТАТАРСТАР" онлайн-тамашасы берләшмәсендә һәм Татарстан Республикасының рәсми берлегендә узачак.