Татарстанда уңыш күрсәткече буенча алдынгы һәм артта калган районнар билгеле
Татарстанда бөртеклекләрнең гектарыннан уңыш күрсәткече буенча беренче бишлектә
– Тәтеш (48,6 ц/га), Минзәлә (45,7 ц/га), Яңа Чишмә (44,5 ц/га), Зәй (44,3 ц/га), Кукмара (43,9 ц/га) районнары. Бу хакта ТР Министрлар Кабинетында брифингта билгеле булды.
Бу күрсәткеч буенча соңгы урыннарда түбәндәге районнар: Яшел Үзән (25,6 ц/га), Әгерҗе (27,2 ц/га), Әлки (27,8 ц/га), Баулы (28,1 ц/га), Питрәч (31,4 ц/га) районнары.
Ә аерым хуҗалыкларны карасак, Тукай һәм Тәтеш районнары хуҗалыкларына тиңнәр юк. Тукайның «Ирек» хуҗалыгында уңыш гектарыннан 82,1 ц чыккан, «Гигант» предприятиесендә – 76,2 ц, Тәтешнең «Колос» агрофирмасында – 71,3 ц, «Бакырчы» хуҗалыгында – 68,8 ц.
Инвесторларга килгәндә, «Кызыл Шәрыкъ» агрохолдингының әле 20 процент мәйданы урып җыелмаган, «Агросила»ның тагын 13 процент мәйданнарында эше калган. «Ак Барс» холдингы АҖ, «Чистополье» холдинг компаниясе, «Агроинвест», «Союз Агро» җәмгыяте урып-җыюны 100 процент тәмамлаган.
Иң күп уңыш җыйган районнардан алдынгылар сафында – Арча, Тәтеш, Буа, Мөслим, Минзәлә.
Алабуга, Кама Тамагы, Югары Ослан, Менделеевск, Яшел Үзән – «кара» исемлектә.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев