Татарстанда яшьләр өчен психологик ярдәм телефоны булдырылачак
2021 елда Татарстан Яшьләр эшләре буенча министрлыгында тәүлек буе эшли торган психологик ярдәм телефоны барлыкка киләчәк. Проект киләсе елның икенче яртысында гамәлгә ашырылачак.
Бу хакта ведомство башлыгының беренче урынбасары Тимур Сөләйманов сөйләде.
«Безнең балалар өчен ышаныч телефоны тәҗрибәсе бар, анда тиз арада квалификацияле ярдәм алырга мөмкин. Аерым муниципалитетларда бөтен яшьләр өчен шундый кайнар линия булдыру тәҗрибәсе бар, әмма республика масштабында мондый тәҗрибә юк әле», – ди Тимур Сөләйманов.
Ул республика муниципалитетларының бөтен тәҗрибәсен берләштерү һәм проектны 2021 ел ахырына кадәр гамәлгә ашыру планлаштырыла, дип өстәде. Кайнар линия III кварталда эшли башлар дип көтелә.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев