Татарстанда юл-транспорт һәлакәтендә хатын-кыз һәлак булган
Узган төндә Татарстанда ике җиңел автомобиль бәрелешкән, юл-транспорт һәлакәтендә гаепле кеше урманга качкан. Бу хакта социаль челтәрләрдән файдаланучылар хәбәр итте.
Алар мәгълүматына караганда, авария Лаеш районында Усад — Комлы Кавал юлы участогында булган.
«Татар-информ»га Татарстан буенча Эчке эшләр министрлыгы матбугат хезмәтендә хәбәр итүләренчә, авария бүген иртәнге 3 сәгать 40 минутта булган.
«БМВ X6» һәм «Шевроле» машиналары бәрелешкән. «БМВ» шоферы вакыйга урыныннан качып киткән. Хәзерге вакытта аны эзлиләр», — дип сөйләделәр полициядә.
Авария нәтиҗәсендә «Шевроле» пассажиры үлгән.
https://tatar-inform.tatar/news/incident/15-12-2019/tatarstanda-yul-transport-lak-tend-hatyn-kyz-lak-bulgan-5709090
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев