Тиздән МРОТ артачак
Дәүләт думасының Хезмәт, социаль сәясәт һәм ветераннар эшләре комитеты МРОТны 18,5 процентка – 19 242 сумга кадәр арттыру башлангычын күтәрде. Быел ул 16 242 сум тәшкил итә.
Русия Хөкүмәтендә билгеләп үткәнчә, дәүләт башлыгының Федераль җыелышка Юлламасында киләсе елның 1 гыйнварыннан минималь хезмәт хакын өстәмә рәвештә 10 процентка арттыру йөкләтелгән. Бу хакта ТАСС хәбәр итте.
МРОТны арттыру хезмәт хакы күләменә генә түгел, ә социаль түләүләргә, шулай ук эшсезлек, эшкә яраксызлык, йөклелек һәм башка пособиеләргә дә тәэсир итә. Русия законнары нигезендә эш бирүче айлык хезмәт хакын бер МРОТтан түбән билгели алмый.
Фото: Лениногорк-информ
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев