Яңа ел бәйрәмнәрендә татарстанлылар өчен 300дән артык бәйрәм чарасы планлаштырыла
Татарстан халкына яңа ел ялларында өч йөздән артык бәйрәм чарасы әзерләнгән.
Бу хакта ТР Министрлар Кабинетында узган брифингта Мәдәният министрының беренче урынбасары Юлия Әдһәмова сөйләде.
«Яңа елга багышланган бәйрәм чаралары биналарда һәм ачык һавада узачак. чаралар озакламый башланачак һәм каникуллар беткәнче дәвам итәчәк. Районнарда барлыгы өч йөздән артык бәйрәм чарасы көтелә», — ди ул.
«Әкият» курчак театры әзерләгән спектакльдә балалар үзләре катнаша алачак.
Алабуга музеендагы чыршы уенчыкларына багышланган күргәзмә, Арчадагы Тукай музеена экскурсияләр, Болгар музей-тыюлыгындагы әкият персонажлары, Свияжск музеендагы һәм Милли музейдагы интерактив программалар белән танышып булачак.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев